فيفي عبده: الرقص مش حرام أنا محجبة وحجيت 5 مرات

التآخي : وكالات 

حلت النجمة فيفي عبده، ضيفة ببرنامج “عندي سؤال”، الذي يقدمه محمد قيس عبر قناة “المشهد”، وردت على كل من يتحدث عن حرمانية الرقص مؤكدة أن من وجهة نظرها الرقص ليس حراماً.

وقالت فيفي عبده: “الرقص حرام ليه؟ هو مش شغل زي أي حاجة الباليه حرام؟ في حاجات كتير حرام، الرقص ده شغل زي أي شغل ليه احترامه وليه ناسه اللي بيتفرجوا عليه وليه اللي بيقدروه ويحترموه”.

وعن فكرة ارتدائها الحجاب قالت فيفي عبده: “أنا متحجبة طول الوقت، الكلام ده يتقال للناس الفالتة أنا بعتبر إني محجبة لأني مش بعمل حاجة غلط ومش بجيب في سيرة الناس محجبة في لساني وفي كل تصرفاتي، مطلوب مني إيه أكتر من كدة وإذا كان على الشغل لو ربنا قالي في أي وقت إلبسي الحجاب هلبسه”.

وتابعت ففي عبده لتكشف لأول مرة عن عدد العمرات التي قامت بها: “أنا عاملة 37 عمرة وحجيت 5 مرات، وبقول للناس متشوفوش الظاهر بس اعرفوا أن الفنانين دول عندهم حاجات كتير حلوة إنتوا مش بتقدروها لكن ربنا بيقدرها”.

وتابعت: “أنا لما كنت بروح مكنتش أتكلم مع مخلوق أحط حجابي أروح أصلي صلاتي وأرجع وأخد أهلي كلهم معايا، هيقولوا عاملة ده ورقاصة، أه دي نقرة ودي نقرة هو حساباته غير ويعمل اللي هو عايزة، عملت اللي يرضيني في الحياة ومطمنة جدا حاسة إني هقابل ربنا وأنا مستريحة في أي وقت”.

واختتمت فيفي عبده كلامها: “نفسي أقول للناس متبصوش للشكل الظاهري للفنان بصوا لقلوبهم وتصرفاتهم