قصيدتان للوطن
إبراهيم خليل إبراهيم
(1)
أسطورة الزمان
أحلف بحبّات العرقْ
سايلة تغنّى عالجبينْ
أحلف بإنك دنيتى
واحلف بأيام الحنين
واحلف بإنك زرْعتى
واحلف بفاس الفلاحين
العرقانين ٠٠ الشقيانين
واحلف بصدق دمعتى
لمّا بازورك يا حُسين
أحلف بصوت الآدان
وصمود ولادك فى الميدان
إنك يا مصرى فى عبورك
كنت أسطورة الزمان
احكي
(2)
احكى وقول يا ورق
عن خيرة الأجناد
فــي أكتوبر الميمون
كانوا رجال أوتاد
بيسجلوا قصتك
يا مصر بالأمجاد
لما عبرنا القنال
وارتاحت الأجداد
بارليف كمان اتحرق
والنصر بيّهم عاد
وسينا رجعت لنا
من تانى بالأعياد
احكى وقول يا ورق
وفرّح الأولاد
ألفين سلام يا جدع
لمحمد المصرى
ألفين سلام يا جدع
للمسعد الجواد
ألفين سلام يا جدع