عبد الهادي الشعراوي.. شاعر الوطن

إبراهيم خليل إبراهيم/ مصر

شعر العامية يوصل رسالة الشاعر للمتلقي بسرعة لأن اللهجة العامية لغة الشارع والمحاكاة ويعد الشاعر المصري عبد الهادي حامد محمد الشهير بـ عبد الهادي الشعراوي من الشعراء الوطنيين المخلصين الصادقين ومن ثم فكلماته لاتعرف إلا القيم الجميلة ولذا نجده المعبر عن هموم الإنسان والوطن وهو من مواليد 21 يناير عام 1965 في قرية الهياتم مركز المحلة الكبرى التابعة لمحافظة الغربية وخلال دراسته الابتدائية كان يشارك في جماعة التمثيل وفى المرحلة الإعدادية كتب الأزجال وقام بغنائها مع زملاء الدراسة وحصل على أول شهادة تقدير في نهاية دراسته بالمرحلة الإعدادية حيث حصل في مسابقة بالمدرسة على المركز الأول لمقطوعة زجلية كتبها عن المولد النبوي من هنا بدأ عشقه للأدب والشعر.

الشاعر عبد الهادي الشعراوي بدأ يكتب في بداياته عن الحب كأي شاب وفى بداية المرحلة الثانوية كانت بدايته مع الشعر العامي وبعد القراءة لأعمال بيرم التونسي وصلاح جاهين وفؤاد حداد قام مع بعض الأصدقاء بإصدار نشرة غير دورية عن قريته الهياتم وكان يكتب عن مشاكل القرية في قالب زجلي ساخر ومن هنا كان لقب بالقروي الساخر وقد انضم إلى نادي الأدب بالمحلة الكبرى ومركز الشباب بالهياتم وكان ضمن أعضاء اللجنة الثقافية في مسابقتها التي تتبع رعاية الشباب ومن هنا بدأ في التطوير وذلك بالقراءة بعد حصوله على المركز الخامس في مسابقة رعاية الشباب على مستوى محافظة الغربية عام 1981 م وفي عام 2010 أصدر ديوانه الأول بعنوان غنوة الأيام وفي عام 2011 أصدر ديواني الثاني بعنوان قصة ميدان وله قيد تحت الطبع عدة دواوين شعرية كما نشر شعره في دوريات مصرية وعربية .

أسجل هنا أن روحى تتلاقى مع الوطنيين المخلصين ومنهم الشاعر القدير عبد الهادي الشعراوي فحب مصر في نن عينه ونبض قلبه ولذا جادت قريحته الشعرية بالعديد من القصائد الوطنية ومنها قصيدته التي بعنوان وتعيشي يامصر حيث قال:

كل نبض قلب فيكى
……. تحيـــا مصر
كل حبة رمل فيكى
…… شاهده نصر
مهما رسمـــوا لإنكســارك
باقية شامخة فى كل عصر
وتعيشى تعيشى تعيشى يامصر
كل شعبك جند ليكى
ضد كل اللى يعاديكى
مهما زرعوا الفتنة فيكى
عمرها ماتهز وحدة
شعب عاشق ارض مصر
وتعيشى تعيشى تعيشى يامصر
فيــك درع ويا ســيف
فى الشتا او فى الخـريف
فى الربيع او حتى صيـف
حامى ارضـك والحـدود
أصلى من بطنــك يامصر
وتعيشى تعيشى تعيشى يامصر
بص شـوفى النسـور
والسفـن جـوه البحـور
والجـنود زى الزهــور
جيش وشرطة وياشعب
همه كله علـو مصــــر
وتعيشى تعيشى تعيشى يامصر
مهما صنعـوا من مكـايد
واللا وضعولك مصايد
محفوظة والرب حافـظ
بكره جاى بخـير كبـير
ويا فرحة معـها نصــر
وتعيشى تعيشى تعيشى يامصر

عندما قرأت قصيدة الشاعر عبد الهادي الشعراوي التي كتبها بعنوان هوه دا ابنك يا مصر هطل الدمع من عيني ولذا قدمتها في فتراتي الإذاعية وليت كل مغيب يستفيق عندما يقرأ قصيدة صديقي الحبيب الشاعر عبد الهادي الشعراوي والتي تبوح بحبنا لخير أجناد الأرض وتقول كلمات القصيدة:

هوه دا إبنك يامصر
إللى سطر أغلى نصر
رايته عاليه فى كل عصر
أصله من بطنك يامصر ..
هوه دا إبنك يامصر
إللى واهب عمره ليكى
ليله و نهاره بيراعيكى
سيف ودرع حر فيكى
ضد كل إللى يعاديكى ..
هوه دا إبنك يامصر
إللى خطط لإنتصارك
إللى شارك ف المعارك
إللي كبر و إللي بارك
وإللى كان للعبة دارك ..
هوه دا إبنك يامصر
إللى شال ع الكتف مدفع
وإللى كان بإيديه بيدفع
وإللى كان بيشيل ويرفع
وإللى حاربوا فى سينا أجمع ..
هوه دا إبنك يامصر
إللى عاد سينا الحبيبة
بعد حزن سنين وغيبة
وإللى عاد طابا لطيبة
والبعيد عن أى عيبه ..
هوه دا إبنك يامصر
إللى بيطهر فى أرضك
إللى مايهمه إلا عِرضك
حامى طولك ويا عرضك
من عدو ينهش فـ ارضك ..
هوه دا إبنك يامصر
إللى بيشيد ويبنى
اللى قام يزرع ويجنى
واللى حاضن بنتى وابنى
إللي عمري ما أقوله سيبني ..
هوه دا إبنك يامصر
إللى بيفنن ويصنع
إللى بارك كل مصنع
وإللى للتاريخ بيجمع
وإللى بيلبى ويسمع ..
هوه دا إبنك يامصر
إللى بيعلم ولادك
إللى زاده من ودادك
وإللى لما طالبتى زادك
إللي بيسطر ميلادك …
هوه دا إبنك يامصر
إللى عمره ماخان أمانة
واللى ما بيقبل إهانه
وإللى مابيرضى بخيانة
فوق تراب أرض الكنانة ..
هوه دا إبنك يامصر
إللى عمره يوم ما غاب
إللى بيخاف ع التراب
إللى ما عجز وشاب
إللى روحه روح شباب ..
هوه دا إبنك يامصر
هوا صاحب أغلى عيد
هوا تكبيرة الشهيد
إللى دمه كان شهيد
على نصرك المجيد ..
هوا دا إبنك يامصر
إللى بتنادى تلاقيه
إللى روحك ساكنه فيه
وإللى نبضك نبض ليه
عزك إنت عز ليه ..
أصله من بطنك يامصر

أيضا في قصيدة أخرى للشاعر عبد الهادي الشعراوي بعنوان بلادي الغاية نجد دعواته لمصر الحبيبة التي واجهت على مدار تاريخها التحديات والصعوبات ولأنها كنانة الله في أرضه ومكرمة في آيات قرآنية نتعبد بها حتى تقوم الساعة فالمولى حافظها وتعالوا نقرأ القصيدة:

بلادى الغالية بلادى
طول عمرى بـأدعى وبنادى
يارب إحمي لى بلادى
إنت إللى تقدر تحميها
من عصبجية وأعادى
بلادى بلادى …
بلادى الغالية بلادى
هى إللى شاغلة البال
ياما شافت أهوال
الأم الصابره من يومها
دى أمى وأم ولادى
بلادى بلادى …
بلادى الغالية بلادى
شالت هموم وهموم
ما ركعت حتى فى يوم
مهما تكون فى غيوم
بحنانها برضه تنادى
بلادى بلادى ..
بلادى الغالية بلادى
من يومها حامله الأمانة
من غيرها ما لناش مكانه
مين غيرها أرض الكنانة
هى نور عينى وفؤادى
بلادى بلادى ..
بلادى الغالية بلادى
أنا مهما طفت ورحت بلاد
مش هلقى فى غيرها حنان ووداد
ماهيا الماية وهيا الزاد
وهيا أرضى وأرض أجدادى
بلادى بلادى …. بلادى الغالية بلادى
بنحبك والحب عبادة
نتمنى نول حتى شهادة
ونموت فى سبيلك يابهية
يا أغلى من كل ولادى
بلادى بلادى …. بلادى الغالية بلادى.

تحية للصديق الشاعر عبد الهادي الشعراوي وبارك الله فيه وبه .. وياسادة كونوا على تمام العلم أن الموهبة إن لم تخدم الوطن والإنسانية فهى والعدم سواء .