اليد في حياتنا اليومية
إبراهيم خليل إبراهيم
( باحث في التراث )
اللهجة العامية المصرية والأقوال والأمثال الشعبية زاخرة بالحكم والعظات وفي هذا الصدد نرصد مانردده بشأن اليد ( الأيد ) حيث نجد مايلي :
إيده بيضا : يعني صاحب فضل ومعروف
إيده ماسكة : بخيل
إيده فرضه : كريم بزيادة
إيده طايلة : بيقدر يعمل حاجات كتير
إيده واصلة : واسطته قوية
إيده طويلة : حرامي
إيده خفيفة : شاطر أو نشال
إيده مخرومة : مبذر ومسرف
إيده طارشة : يعني بيضرب جامد وفي أي حتة
إيده على قلبه : بيخاف كتير
إيدك معايا : ساعدني
إيد ورا وإيد قدام : ليس معه شيء ولايقدر يعمل حاجة
تسلم إيدك : ألف شكر
إيدك منه والأرض : مفيش فايدة فيه
إيدك على المعلوم : هات الفلوس
والأيد قصيرة : يعني مفلس وغير قادر
اللي إيده في المية مش زي اللي إيده في النار : أنت مش حاسس به
ماسكه من إيده اللي بتوجعه : ماسك عليه زلة
إيدي على كتفك : أنا معاك