دينا: ابني فخور بعملي كراقصة ويتمنى أن ينجح مثلي

التآخي : وكالات 

أطلت الراقصة دينا في مقطع فيديو عبر حسابها على انستغرام ضمن برنامج جديد لها بعنوان “اسمع مع دينا”، ردت فيها على مجموعة من الاسئلة، وأبرزها سؤالا حول تقبل نجلها فكرة عملها راقصة.

وقالت دينا: “بيقولوا سؤال حشري جدا ابنك إزاي متقبل أن إنتي بترقصي؟ طبعا هو سؤال خاص جدا وداخلين جوا العيلة، لكن اللي أقدر أرد عليه إني اتربيت على إني احترم النجاح لو حد ناجح أبص هو ناجح ليه وهل هو بيحب شغلته ده اللي يشغلني أكتر من إني انتقد، وأن إحنا ملناش دعوة مين بيعمل إيه إحنا مش ده شغلنا، أمي وأبويا ربوني كده”.

وتابعت دينا: “ولما خلفت أنا وأمي ربنا يحفظها ساهمت في تربيته وربته بنفس الطريقة أنه يقدر النجاح، ابني فخور بنجاحي وبيتمنى ينجح زيي، مش بيفكر بطريقة إيه ده ماما بترقص؟ أيوة ماما بترقص لأنها ناجحة هي دي الطريقة الوحيدة اللي ناجحة فيها وأمي مش جاهلة متعلمة، أمي خلصت شهاداتها وحبت شغلها ونجحت فيه”.

وأكملت دينا: “طريقة التربية والتفكير بتغير أسلوب تفكير البني آدم، الشخص لما يفكر صح يفكر في نجاحه وتفوقه وشغله مش يشغل دماغه بمين بيعمل إيه حتى لو كان أمه أو أبوه أو أخته، طالما ناجح المفروض يكون فخور بيهم مش بيكسرهم