مي حلمي تحكي كواليس رفضها مشاركة طليقها محمد رشاد في “رامز جاب م الآخر”

التآخي : وكالات 

تحدثت المذيعة مي حلمي، عن كواليس نجاتها من برنامج”رامز جاب م الآخر”، الذي قدمه الفنان رامز جلال هذا العام في رمضان، كاشفة أنه كان سيشاركها في الحلقة طليقها الفنان محمد رشاد.

وحكت مي حلمي ما حدث معها في لقاء مع et بالعربي قائلة: “أنا بحب رامز جلال لكن لو هو بيقعد في السعودية أو الإمارات شهر أنا قاعدة هناك طول السنة فأكيد الكواليس هتكون عندي، لما كلموني طلبت رقم معين 25 ألف دولار، في ناس يا حرام مكنتش عارفة الموضوع إيه وهما قالولهم أنتوا تاخدوا بالمصري، أنا اللي فرق معايا الميزانية وإن هو ميبقاش برنامج مقالب، أنا في الأول اتقالي أنه مش برنامج مقالب، قلت استحالة مصدقش، سألتهم المفروض ألبس إيه بعتولي برنامج تاني حاجة مختلفة بيلعبوا لعبة، سألتهم عايزني ألبس كاجوال ليه، وبدأت أعمل بحث عن الموضوع طلع زي ما توقعت”.

وتابعت مي حلمي متحدثة عن فكرة البرنامج: “المقلب إن إنت تجيبلي حد أنا على خلاف معاه أنا استحاله أقوله صباح الخير دي وحشة في حقي جدا ولا أنا هقبلها ولا أنا مستنيه فلوس”.

وتابعت: “ناس كتير جدا قالتلي كنتي روحتي وأخدتي الفلوس قلتلهم متلزمنيش أنا بعمل في نص ساعة إعلان بـ25 ألف درهم مش محتاجة الفلوس دي في أي حاجة والناس شاهدة على الكلام ده”.

وأكملت مي حلمي: “البرامج دي مش هدفها صلح، كل مذيع بيهمه برنامجه والمشاهدة كل سنة هتبقى عايز تكون أعلى من اللي قبلها فاستحالة تقولي مصلحتي أهم من مصلحتك، وهو أنا صغيرة مستينة حد يصالحني على حد وإنت مين عشان تصالحني هو أنا معنديش أهل أو أصحاب هاجي اتصالح على الشاشات، كنت عملتها قبل كدة وخدت فلوس كتير”.

وعن فكرة تغيير الضيف وطرح اسم رضا عبد العال ليظهر معها في الحلقة قالت مي حلمي: “خلصت أنا متهزقش ما عاش ولا كان اللي يعمل في نفسه كدة عشان الفلوس مش محتاجاها